Qyzylorda oblysynda aılyǵyn ala almaı júrgen aýrýhana qyzmetkerleriniń quqyǵy qorǵaldy
QYZYLORDA. KAZINFORM — Qyzylorda oblysy Aral aýdanynda monıtorıng barysynda birqatar azamattardyń quqyqyǵy buzylyp, jalaqysyn ala almaı otyrǵany belgili boldy. Bul týraly Qyzylorda oblysynyń prokýratýrasy málim etti.
— Azamattardyń eńbek quqyqtaryn qorǵaý maqsatynda monıtorıng júrgizý barysynda Aral aýdandyq kóp beıindi ortalyq aýrýhanasy ShJQ KMK-y aǵymdaǵy jyldyń maýsym aıyna 623 qyzmetkerge 109 420 181 teńge jalaqyǵa qaryz ekendigi anyqtaldy, — delingen habarlamada.
Nátıjesinde 16.07.2025j. aýrýhanaǵa zańdylyqtyń buzylýyn joıý týraly usyný engizildi.
Prokýratýra aralasqannan keıin 623 qyzmetkerge bereshek jalaqy tolyq ótelip, olardyń konstıtýtsııalyq quqyqtary qorǵaldy.
Buǵan deıin habarlanǵandaı, Eńbek jáne halyqty áleýmettik qorǵaý mınıstrligi jyl basynan beri 33,4 myńnan astam jumyskerdiń quqyǵy qorǵalǵanyn aıtty.