Qyzylorda oblysynda aýyzsý qyzmetiniń tarıfi ózgerdi
QYZYLORDA. KAZINFORM – Qyzylorda oblystyq máslıhatynyń sheshimine sáıkes 2026 jylǵy 1 sáýirden bastap aımaq halqy úshin aýyzsý qyzmetiniń tarıfi ózgerdi.
Oblystyq energetıka jáne turǵyn úı kommýnaldyq sharýashylyǵy basqarmasynyń málimetine súıensek, úı-jaıynda sý eseptegish bar tutynýshylar úshin 1 tekshe metr sýdyń baǵasy 30 teńgeden 70 teńgege deıin kóterildi. Al arnaıy qurylǵy ornatpaǵan tutynýshylar 1 tekshe metr sý úshin 40 teńgeniń ornyna 120 teńge tóleıdi.
— Búginde tarıftiń ósýine baılanysty Jańaqorǵan jáne Shıeli aýdandarynyń turǵyndarymen kezdesý ótip, túsindirý jumysy júrgizildi. Mundaı is-sharalar Syrdarııa, Jalaǵash, Qarmaqshy, Qazaly jáne Aral aýdandarynda jalǵasady, — delingen habarlamada.
Buǵan deıin Soltústik Qazaqstan oblysynda 1 sáýirden bastap elektr energııasyn bólshek saýdada satý úshin jańa shekti baǵa bekitildi.