Qyzylorda oblysynda 900 gektar jer májbúrli túrde memleket menshigine qaıtaryldy

QYZYLORDA. KAZINFORM – Aýyl sharýashylyǵy mınıstrliginiń Qyzylorda oblysy Jer resýrstaryn basqarý departamentiniń jospardan tys tekserisi nátıjesinde 900 gektar aýyl sharýashylyǵy jeri uzaq ýaqyt maqsatty paıdalanylmaǵany anyqtaldy.

Odan keıin aýyl sharýashylyǵy taýar óndirýshisine quqyq buzýshylyqtardy joıý jóninde mindetteme berilgen. Alaıda qajetti sharalar qolǵa alynbaǵan.

Ýákiletti organ kásipkerdi ákimshilik jaýapkershilikke tartty.

Sonymen qatar departament jer telimin tartyp alý týraly talappen Aral aýdandyq sotyna aryzdandy. Sot ýákiletti organnyń talaptaryn tolyq qanaǵattandyryp, jer telimin memleket menshigine qaıtardy.

Sot sheshimi zańdy kúshine endi.

Aıta keteıik, Jetisýda úsh jylda 712 myń gektar jer qaıta aınalymǵa engizildi.

Túrkistan oblysynda 465 myń gektardan asa jer maqsatyna saı paıdalanylmaǵan.