Qyzylorda oblysynda ınvestordyń jer ýchaskesin paıdalaný merzimin uzartýdan negizsiz bas tartqan
QYZYLORDA. KAZINFORM — Memleket basshysynyń tapsyrmasy aıasynda Qyzylorda oblysynyń prokýratýrasy ınvestıtsııalyq jobalardy súıemeldeýdi júzege asyryp jatyr.
Óńirde «Bısenáli» JK-men naýbaıhana men qoımalardyń qurylysyn salý ınvestıtsııalyq jobasy júzege asyrylyp jatyr. Oblystyq prokýratýranyń málimetinshe, ınvestıtsııa kólemi – 300 mln teńge. Ony iske asyrý 28-den astam jumys ornyn ashýǵa múmkindik beredi.
Qazaly aýdanynyń prokýratýrasy «Áıteke bı kentiniń ákimdigi» ınvestordyń jer ýchaskesin paıdalaný merzimin uzartýdan negizsiz bas tartqany anyqtady. Jergilikti atqarýshy organ jer paıdalaný quqyǵyn uzartý týraly ótinish berý merzimi aıaqtaldy dep qate eseptegen.
Prokýratýranyń qadaǵalaý aktisiniń negizinde jerdi paıdalaný merzimi uzartyldy jáne kináli qyzmetker tártiptik jaýaptylyqqa tartyldy.
Buǵan deıin Qyzylordada oqýshyny seks quldyqqa salǵan kúdiktilerdiń beseýi jasóspirim ekenin jazǵan bolatynbyz.
