Qyzylorda oblysynda arnaıy is-shara barysynda 72 adam kólik basqarý quqyǵynan aıyryldy
QYZYLORDA. KAZINFORM – Qyzylorda oblysynda jol qozǵalysy qaýipsizdigin qamtamasyz etý, jol-kólik oqıǵalarynyń aldyn alý jáne jol júrisi qaǵıdalaryn buzýdyń jolyn kesý maqsatynda 4 kúnge sozylǵan «Tasymaldaýshy» jedel-profılaktıkalyq is-sharasy aıaqtaldy.
Oblystyq polıtsııa departamenti habarlaǵandaı, osy ýaqytta jol júrisi qaǵıdalaryn buzýdyń 1208 deregi anyqtaldy.
- Onyń ishinde 128 avtokólik arnaıy aıyp turaǵyna qoıylyp, 282 kólik quralynyń memlekettik belgisi sheshildi. Jolaýshy tasymaly salasyndaǵy zańdylyqtyń saqtalýyna da erekshe nazar aýdaryldy. Tártip saqshylary ruqsatsyz nemese habarlama jibermeı kásipkerlik ne ózge de qyzmetpen aınalysýdyń 17, jolaýshylardy tasymaldaý qaǵıdalaryn buzýdyń 146 faktisin tirkedi. 72 adam kólik basqarý quqyǵynan aıyrylǵan. 107 kólik quraly mindetti tehnıkalyq qarap-tekserýden ótpegen. Júrgizýshiler 201 jaǵdaıda rýlde kele jatyp uıaly telefon ppaıdalnǵan. 385 jaǵdaıda jolaýshy men júk tasymaldaý talaptary buzylǵan, - delingen habarlamada.
Al jýyrda Qyzylordada jol qozǵalysy erejelerin óreskel buzǵantoı korteji sapyndaǵy avtokólikter oblystyq polıtsııa departamentiniń jedel basqarý ortalyǵyndaǵy beınekameralardyń nysanasyna ilikti.
