Qyzylorda oblysynda alaıaqtyqqa qatysy bar kúdiktiler ustaldy

QYZYLORDA. KAZINFORM – Qyzylorda oblysynda alaıaqtyqqa qatysy bar kúdiktiler ustaldy, dep habarlaıdy Polisia.kz.

Qyzylorda oblysy polıtsııa departamentiniń Jalaǵash aýdandyq polıtsııa bólimine jergilikti turǵyn aryzdanǵan. Ol ınternet arqyly Toyota Camry 20 avtokóligine qyzyǵýshylyq tanytyp, kólikti satamyn degen beıtanys azamatpen baılanysyp, kólikke aldyn ala tólem retinde 500 000 teńge aýdarǵan.

Artynsha habarlandyrýdyń jalǵan ekendigin túsingen. Keshendi jedel-izdestirý sharalarynyń nátıjesinde alaıaqtyqpen aınalysqan eki oblys turǵyny anyqtaldy.

Qyzylorda oblysy polıtsııa departamentiniń kıberqylmysqa qarsy is-qımyl basqarmasy men Jalaǵash aýdany polıtsııa bóliminiń qyzmetkerleri birlesip, arnaıy jedel-tergeý toby quryldy.

Tergeý nátıjesinde eki kúdikti Astana qalasynan ustaldy. Kúdiktiler ýaqytsha ustaý ızolıatoryna qamaldy. Tergeý barysynda kúdiktiler kinálaryn tolyq moıyndap, jábirlenýshige keltirilgen materıaldyq shyǵyndy tolyq ótedi.

Kúdiktiler sot sheshimimen qylmystyq jaýapkershilikke tartyldy. 

Buǵan deıin Pavlodarda prokýratýra qyzmetkerine qatysty alaıaqtyq faktisi boıynsha tergeý júrip jatqanyn jazǵan edik.