Qyzylorda oblysynda adamǵa qaýip tóndirgen 8 myńnan astam qabaǵan ıt aýlandy

Qyzylorda oblysynda bıyl turǵyndardyń óz ótinishi negizinde qala jáne aýdan aýmaǵyn aralaý barysynda azamattarǵa qaýip tóndirgen 8 myńnan astam qabaǵan ıt aýlandy, dep habarlaıdy QazAqparat tilshisi. 

Oblysta ýaqytsha ustaý oryndary men panajaılar salýǵa 4,4 gektar kólemde 7 jer telimi naqtylandy. Qurylys jumystaryna qarjy bólý jáne ınvestorlar tartý máselesi qaralyp jatyr.

Qańǵybas ıtterdiń sanyn retteýdi qamtamasyz etý maqsatynda Call-ortalyq jumys isteıdi. Arnaıy brıgada adamdar kóp shoǵyrlanatyn jerlerde jáne mektep aýmaqtarynda baqylaý júrgizedi. Áleýmettik jelilerde qaraýsyz jáne qańǵybas ıtterge baılanysty jarııalanymdar boıynsha ýaqytynda keri baılanys ornatylyp, ótinish túsken aýmaqtarda arnaıy qyzmet tıisti jumys júrgizip jatyr.

«Bıyl 1 qyrkúıekten bastap úı janýarlaryn (ıt, mysyq) mindetti tirkeý bastaldy. Osyǵan baılanysty,úı janýarlaryn esepke alý boıynsha veterınarııalyq uıymdar arnaıy aqparattyq júıemen qamtamasyz etilip, tirkeý jumystary júrgizilip jatyr. Búginde arnaıy aqparattyq júıede 32 ıt tirkeldi. Sonymen qatar oblys boıynsha 32158 ıt pasporttalǵan. Qyzylorda oblysynda bıyl turǵyndardyń óz ótinishi negizinde qala jáne aýdan aýmaǵyn aralaý barysynda azamattarǵa qaýip tóndirgen agressıvti 8 myńnan astam ıt aýlandy», - dep málim etti Qyzylorda oblystyq veterınarııa basqarmasynan.

Eske salsaq, budan buryn qyzylsha aýrýynan qalaı saqtanýǵa bolatyny aıtyldy.