Qyzylorda oblysynda 90 adam koronvırýs juqtyrdy

  QYZYLORDA. KAZINFORM - Qyzylorda oblysynda bıyl koronvırýstyń 90 deregi tirkeldi.

Oblystyq sanıtarııalyq-epıdemıologııalyq baqylaý departamenti mamandarynyń aıtýynsha, aýyr aǵymdaǵy jiti respıratorly vırýsty ınfektsııaǵa shaldyqqan naýqastardyń analızi zerthanalyq jolmen tekserýge joldanady. Onda tumaýmen qatar koronavırýs ınfektsııasyna baılanysty jaǵdaı tekseriledi. 

«Jyl basynan beri aımaǵymyzda koronavırýstyń 90 deregi tirkeldi. Naqty aıtqanda, qańtar-mamyr aralyǵynda aımaqta 76 adamnan COVID-19 juqtyrý deregi anyqtalǵan. Al mamyr-tamyz aralaǵynda koronavırýske shaldyǵýdyń birde-bir deregi tirkelgen joq. Al tamyzda 3, qyrkúıekte 6, qazanda 5 derek esepke alynǵan. Oblystaǵy epıdemıologııalyq ahýal turaqty dep baǵalaýǵa bolady», - dep málim etti Qyzylorda oblysynyń sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Vedomstvo málimetinshe, 2024-2025 jylǵy jańa epıdemıologııalyq maýsymda Qyzylorda oblysynda jedel respıratorly vırýsty ınfektsııaǵa 16414 adam shaldyqqan. Onyń 66% paıyzy – 14 jasqa deıingi balalar.

«Eńbek ujymdary óz qyzmetkerlerin tumaýǵa qarsy aqyly túrde egýge múmkindikter qarastyrylǵan. Búgingi kúni tıisti kontıngenttiń 70 paıyzy (59608 adam) tumaýǵa qarsy ekpe aldy. Budan bólek jumys berýshiler esebinen 1000 adam vaktsınatsııadan ótti. Dúnıejúzilik densaýlyq saqtaý uıymy halyqty tumaýdan qorǵaýdyń jalǵyz jáne tıimdi ádisi retinde tumaýǵa qarsy vaktsınatsııalaýdy usynady. Sondyqtan turǵyndar joǵaryda atap ótken táýekel tobyndaǵy adamdar jaýapkershilik tanytyp, ekpe alǵany durys. Buǵan qosa, jumys oryndarynda ujymdyq ımmýnıtetti qalyptastyrýdyń mańyzy zor», - dep tolyqtyrdy Á.Ábdiqaıymova.

Eske salsaq, budan buryn Qyzylorda oblysynda ınvestordyń jer ýchaskesin paıdalaný merzimin uzartýdan negizsiz bas tartqan.