Qyzylorda oblysynda 9 «muǵalim» jalǵan dıplommen qyzmet atqarǵan

ASTANA. KAZINFORM — Qyzylorda oblysynda mektepter men balabaqshalarda jalǵan dıplommen jumys jasaý derekteri anyqtaldy. 

Bul keleńsizdkter prokýratýranyń tekserýi barysynda anyqtaldy. Tekserý barysynda Baıqońyrdaǵy 2 mektepte — 3, Qazalyda 3 mektepte — 4, Qarmaqshyda 1 mektepte — 2 qyzmetkerdiń jalǵan dıplommen jumys istegeni belgili boldy. 

«Sondaı-aq Syrdarııa aýdanynyń balabaqshalarynda jalǵan dıplommen 11 tárbıeshiniń jumys jasaý deregi tirkeldi. Materıaldar tergeý áreketterin júrgizý úshin polıtsııa organdaryna jiberildi. Odan bólek, Qyzylorda qalasyndaǵy mektepterde 50-den astam muǵalim zańsyz konkýrssyz qabyldanǵan. Qyzylorda qalalyq bilim bóliminiń basshysy quzyrettiligi joq bolsa da mamandardy tikeleı mektepke muǵalim retinde taǵaıyndaǵan», — dep málim etti oblystyq prokýratýradan.

Vedoomstvo málimetinshe, tekserý nátıjesimen 56 qadaǵalaý akti engizilip, 1100 (353 tártiptik, 747 ákimshilik) adam túrli jaýaptylyqqa tartyldy. Onyń ishinde Qyzylorda qalalyq bilim bóliminiń burynǵy basshysy qyzmetinen bosatylǵan.

Eske salsaq, budan buryn Qyzylordada bes kúnde otbasy janjalyna baılanysty 4 qylmystyq is tirkeldi.