Qyzylorda oblysynda 84 ekologııalyq zańnama talabyn buzý deregi anyqtaldy

QYZYLORDA. KAZINFORM - Qyzylorda oblysy boıynsha ekologııa departamenti 2024 jyly qorshaǵan ortany qorǵaý salasynda 57 nysanǵa baqylaý sharasyn uıymdastyrdy. 

Onyń ishinde 19-y profılaktıkalyq baqylaý jáne qadaǵalaý bolsa, 37 jospardan tys jáne 1 talaptarǵa sáıkestik turǵysynan tekserý bolyp otyr.

Baqylaý sharasynyń nátıjesimen 84 ekologııalyq zańnama talabyn buzý deregi anyqtalǵan. Atalǵan kemshilikterdi joıý úshin 82 nusqama berilgen.

- 2024 jylǵa bekitilgen kestege sáıkes 69 sýbektige profılaktıkalyq baqylaý sharalary júrgizildi. Ol boıynsha anyqtalǵan zańbuzýshylyqtardy joıý jóninde aqparattyq hattar joldandy. Atalǵan zań buzýshylyqtar tolyǵymen joıyldy. Departamenttiń memlekettik ekologııalyq baqylaý qyzmeti «Baıqońyr» keshenindegi obektilerdi de qamtıdy. Departament mamandary byltyr 12 nysanǵa josparly tekseris jumystary júrgizdi. Anyqtalǵan 9 zań buzýshylyqty joıý jóninde uıǵarymdar berilip, tolyǵymen oryndaldy, - dedi Qyzylorda oblysy boıynsha ekologııa departamenti basshysynyń orynbasary Almas Iskakov.

Eske salsaq, Qyzylorda oblysynda «Aýyl amanaty» jobasy aıasynda aýqymdy jumystar atqarylýda.