Qyzylorda oblysynda 8 adamdy bopsalaǵan blogerdiń bas bostandyǵy shekteldi

QYZYLORDA. KAZINFORM - Qyzylorda oblysynda áleýmettik jeli arqyly segiz adamdy bopsalaǵan kúdikti sottaldy.

Bul boıynsha Jańaqorǵan aýdandyq sotynda QR Qylmystyq kodeksiniń 194-baby 2-bóliginiń 3-tarmaǵymen qylmystyq is qaraldy. 

Sottalýshy 2022 jyldan bastap áleýmettik jelidegi paraqshasy arqyly 8 jábirlenýshiut abyroıyna nuqsan keletin málimetterdi taratamyn dep qorqytqan. Saldarynan birneshe ret bótenniń múlkin qorqytyp talap etip, qorqytyp alýshylyq jolymen 1 950 000 teńgeni jeke bas paıdasyna jaratqan. 

«Sottalýshynyń kinási jábirlenýshiler men kýálerdiń jaýabymen, aıǵaǵymen, saraptama qorytyndysymen, beınejazba jáne qylmystyq is materıalymen dáleldengen. Ol kinásin tolyq moıyndap, jábirlenýshilerge keltirilgen shyǵynnyń 1 650 000 teńgesin qaıtarǵan. Sot sottalýshynyń kinásin tolyq moıyndaýyn, asyraýynda kámeletke tolmaǵan balalary bar ekenin jaýapkershiligi men jazasyn jeńildetetin mán-jáılar retinde tanydy. Jańaqorǵan aýdandyq sotynyń úkimimen oǵan 4 jyl 8 aı merzimge bas bostandyǵyn shekteý jazasy taǵaıyndaldy. Jazany óteýdiń búkil merzimi ishinde jyl saıyn 100 saǵat májbúrli eńbekke tartý belgilendi», - dep málim etti Jańaqorǵan aýdandyq sotynan.

Eske salsaq, budan buryn Qyzylordada kúıeýinen qorqyp, balkonnan sekirip ketken áıel múgedek bolyp qaldy.