Qyzylorda oblysynda 67 myńǵa jýyq adam qyzylsha aýrýyna qarsy ekpe aldy

QYZYLORDA. KAZINFORM - Qyzylorda oblysynda 67 myńǵa jýyq adam qyzylsha aýrýyna qarsy ekpe aldy. Nátıjesinde aımaqta qyzylshaǵa qatysty epıdemıologııalyq ahýaly turaqtanyp keledi. 

Ótken jyldyń qarasha aıynda aýrýǵa shaldyǵýdyń 500 deregi tirkelgen bolsa, jeltoqsan aıynda 474 jaǵdaıdy qurady. Al bıyl qańtar aıynda 366 derek tirkeldi. ıAǵnı, tómendeý tendentsııasy baıqalady.

«Bul rette qyzylshaǵa qarsy qosymsha jappaı ımmýndaý naýqanynyń tıimdiligin kórýge bolady. Ótken jyldyń 6 qarashasynan bastalǵan bul shara aıasynda 66 893 adam aýrýǵa qarsy ekpe aldy. Epıdemıologııalyq ahýaldy turaqtandyryp, vırýs aınalymyn álsiretý úshin áli de tıisti kontıngent ekpemen qamtylyp, qorǵanysh qabiletin nyǵaıtý kerek. Qazir aımaǵymyzdaǵy barlyq emhanada qyzylshaǵa qarsy qosymsha ımmýndaý jalǵasyp jatyr. Ekpeden keıingi asqyný jaǵdaılary bolǵan joq. Ata-analardy 6-11 aılyq sábılerin, 2-5 jas aralyǵyndaǵy balalaryn aýrýǵa qarsy egýge shaqyramyz. Budan bólek, Ulttyq egý kúntizbesine sáıkes árbir bala 12-15 aılyǵynda jáne 6 jasynda qyzylsha, qyzamyq pen parotıtke qarsy vaktsına alýy qajet», - dedi Qyzylorda oblysynyń sanıtarııalyq-epıdemıologııalyq baqylaý departamenti basshysy Dınara Jańabergenova.

Eske salsaq, budan buryn Qyzylorda oblysynda 83 myńnan astam adam tumaýǵa qarsy vaktsına saldyrdy.