Baıqońyrda 52 mln teńge jymqyrǵan bas esepshi 7 jylǵa sottaldy
ASTANA. KAZINFORM — Qyzylorda oblysy Baıqońyr qalasynyń prokýratýrasy bilim berý uıymdarynyń 2022-2024 jyl aralyǵynda bıýdjet qarajatynyń jumsalý zańdylyǵyna júrgizilgen taldaý nátıjesinen keıin memleket bıýdjetin jymqyrý faktisin anyqtady.
— Orta bilim berý uıymynyń bas esepshisi birneshe muǵalimderdiń esep shottaryna artyq jalaqy aýdaryp, aýdarylǵan artyq qarajattardy óziniń jeke esepshotyna qaıta aýdarý arqyly jymqyrǵan. Saldarynan memlekettik bıýdjetke 52 mln teńge zalal keltirilgen, — delingen prokýratýra habarlamasynda.
Atalǵan fakti boıynsha Baıqońyr qalasy prokýratýrasy Qylmystyq kodekstiń 189-baby 4-bóliginiń 2) tarmaǵynda kózdelgen qylmystyq quqyq buzýshylyq belgileri boıynsha sotqa deıingi tergep-tekserý júrgizip, isti sotqa joldady.
Sot úkimimen mekteptiń bas esepshisi kináli dep tanylyp, 7 jyl bas bostandyǵynan aıyrý jazasy taǵaıyndaldy.
Kámeletke tolmaǵan balalarynyń bolýyna baılanysty Qylmystyq kodekstiń 74-babyna sáıkes jaza óteý merzimi 5 jylǵa keıinge qaldyryldy.
Aıta ketelik shetelge oqýǵa jiberemiz degen jeleýmen 152 mln teńge jymqyrǵan ortalyq basshysy sottalǵan edi.