Qyzylorda oblysynda 4,5 mln sekseýil kósheti egilip jatyr
QYZYLORDA. KAZINFORM – Qyzylorda oblysynyń Aral aýdanynda Memleket basshysynyń 2021-2025 jyldar ishinde Aral teńiziniń qurǵaǵan ultanynda 1,1 mln gektar jerge sekseýil egý týraly tapsyrmasy jalǵasyn taýyp keledi.
Prezıdent tapsyrmasynyń júzege asyrylý barysyn oblystyq Tabıǵı resýrstar jáne tabıǵat paıdalanýdy retteý basqarmasynyń basshysy Ǵalymjan Erkebaı aýdanǵa sapary kezinde kórdi.
- 2021-2024 jyldar aralyǵynda 659,1 myń gektar jerge fıtoorman-melıoratsııa jumysy júrgizildi. Bıyl 440,9 myń gektar aýmaqqa sekseýil kóshetteri men galofıtti tuqymdar egilip jatyr. Oblystyq deńgeıde 100 myń gektar jerdiń 15 myń gektaryna 4,5 mln sekseýil kósheti otyrǵyzylady, - dedi Ǵalymjan Erkebaı.
Búgingi kúni orman sharýashylyǵy mekemeleriniń ýaqytsha tuqymbaqtarynan 4,3 mln sekseýil kósheti qazylyp alyndy. Basqarma basshysy bul 8 myń gektar jerge sekseýil egýge múmkindik beretinin atap ótti.
Buǵan deıin «Taza Qazaqstan» bastamasy aıasynda memlekettik orman qory aýmaǵynda jalpy 1 mlrd 369 mln kóshet otyrǵyzylǵanyn jazǵanbyz.
