Qyzylorda oblysynda 3,7 mln shabaq qutqaryldy
QYZYLORDA. KAZINFORM – Qyzylorda oblysynda sý aıdyndarynda qalyp qoıǵan shabaqtardy qutqarý baǵytyndaǵy is-sharalar jalǵasyp jatyr.
Oblystyq tabıǵı resýrstar jáne tabıǵat paıdalanýdy retteý basqarmasynyń habarlaýynsha, bul jumys balyq qoryn saqtaýǵa jáne tabıǵı ekojúıeni qorǵaýǵa múmkindik beredi.
- Búgingi kúnge deıin is-sharaǵa 88 tehnıka, 335 adam qatysty. Nátıjesinde 3,7 mln balyq shabaǵy qutqaryldy. Negizgi maqsat – kúrishtik alqaptardan jáne bólektengen sý aıdyndarynan balyq shabaqtaryn qaýipsiz jerge kóshirý, sý bıoresýrstaryn saqtaý jáne tabıǵatqa jaýapkershilikti arttyrý, - delingen habarlamada.
Departament osy oraıda tabıǵat paıdalanýshylar men turǵyndardy shabaq qutqarý isine belsendi qatysýǵa shaqyrdy.
Eske salaıyq, buryn biz Qyzylorda oblysynda kúrishtik alqaptarda sýdyń tartylýyna baılanysty shabaqty qutqarý sharalary bastalǵanyn habarladyq.
