Qyzylorda oblysynda 300 shaqyrymǵa jýyq avtomobıl joly jóndelýde
QYZYLORDA. KAZINFORM - Qyzylorda qalasyndaǵy óner ortalyǵynda oblys ákimi Nurlybek Nálibaevtyń qatysýymen Respýblıka kúnine arnalǵan saltanatty shara ótti. Bul týraly ákimdiktiń baspasóz qyzmeti habarlady.
Oǵan quqyq qorǵaý organdarynyń, basqarma, departamentterdiń basshylary, zııaly qaýym ókilderi men oblystyq máslıhat depýtattary qatysty.
Aımaq basshysy jınalǵan qaýymdy ulttyq mereke – Respýblıka kúnimen quttyqtap, óńirdiń áleýmettik-ekonomıkalyq damýyndaǵy jetistikterge toqtaldy.
«Barshańyzdy elimizdiń eń basty ulttyq merekesi – Respýblıka kúnimen shyn júrekten quttyqtaımyn! Ultymyz ulyqtaǵan ataýly kúndi Syr óńiri tolaǵaı tabystarmen qarsy alýda. Prezıdentimiz Qasym-Jomart Kemeluly birlik pen berekeniń, óner men mádenıettiń qutty uıasy – Syr óńirine kelgen saparynda oblysymyzǵa damýdyń úlken perspektıvalary bar strategııalyq mańyzdy aımaq dep oń baǵasyn berdi. Búginde Prezıdentimizdiń, Úkimettiń erekshe qoldaýynyń arqasynda oblys bıýdjeti 744 mlrd teńgeden asty. Eki jyl buryn 364 mlrd teńge bolatyn. Aımaqta 43 mlrd teńgege 300 shaqyrymǵa jýyq avtomobıl joldary men kópir ótkelderi jóndelýde. Sońǵy úsh jylda jóndelgen jol 1 271 shaqyrymǵa jetti. Osylaısha jaqsy jaǵdaıdaǵy joldardyń úlesi 92 paıyzdan asady. Elektr energııasymen qamtý baǵytynda 2022 jyldan beri 18 mlrd teńgege 70 joba iske qosyldy. Bıyldyń ózinde 11 mlrd teńgege 38 joba qolǵa alyndy. Bul tozǵan jelilerdi 72-den 62 paıyzǵa tómendetedi. Oblysta 30 mlrd teńgege 11 eldimeken (Sekseýil jáne Tóretam kenti, Abaı, Aqsý, Shámenov, Seıfýllın, Toqmaǵanbetov, Almaly, Dosbol Datqa, Bestam, Tómenaryq aýyldary) gazdandyrylýda. Osy jumystar aıaqtalǵanda óńirdi gazben qamtý kórsetkishin 75-ten 78 paıyzǵa jetkizemiz. Eldi mekenderdi sapaly aýyz sýmen qamtýda 2022 jyldan beri 16 mlrd 800 mln teńgeniń 55 jobasy júzege asty. Jyl sońyna deıin kórsetkish 98,1-den 98,6 paıyzǵa artady. Kelesi jyldyń sońynda oblystaǵy barlyq eldi mekenge ortalyqtandyrylǵan aýyz sý qosamyz. Egemendikke qol jetkizýdi ańsap, ómirin kúrespen ótkizgen ata-babalarymyzdyń asyl armany Táýelsizdigimizdi baıandy etý – búgingi urpaq úshin jaýapkershiligi zor mindet. Barshańyzdy Respýblıka kúnimen taǵy da quttyqtap, otbasylaryńyzǵa amandyq, baq-bereke, tolaıym tabystar tileımin! Elimizdiń órkendeýi jolyndaǵy adal qyzmetterińiz tabysty, elimiz eńseli, Táýelsizdigimiz tuǵyrly bolǵaı!», – dedi N.Nálibaev.
Memlekettik qoldaý men ulttyq jobalar sheńberinde qarjylandyrýdyń barlyq kózinen bıyl 863 900 sharshy metr turǵyn úı paıdalanýǵa beriledi. 2022-2023 jyldary 4 myńǵa jýyq páter tabystalyp, 17 myń turǵynnyń baspana máselesi sheshildi.
«Bolat Ótemuratov qorynyń» demeýshiligimen Qorqyt ata áýejaıynyń jańa termınaly salyndy. Jerlesterimiz úshin bul – óte mańyzdy joba. Jaqyn arada el ıgiligine tabystalady. Qýattylyǵy 240 megavattyq jańa jylý-elektr ortalyǵynyń qurylysy qarqyndy júrýde. Nysan kelesi jyly qyrkúıek aıynda paıdalanýǵa beriledi. Qyzylorda qalasyn ystyq sýmen qamtý jobasy oń sheshimin tapty. Ol boıynsha 623 kópqabatty turǵyn úıge ystyq sý qosylady.
Respýblıka kúnine oraı uıymdastyrylǵan is-shara merekelik kontsertke ulasty.
