Qyzylorda oblysynda 25 mádenıet qyzmetkeri eńbek demalysy aqysyn almaǵan

QYZYLORDA. KAZINFORM — Qyzylorda oblysynyń Qazaly aýdandyq prokýratýrasy júrgizgen tekseris nátıjesinde mádenıet salasyndaǵy mekemelerde eńbek zańnamasynyń buzylǵany anyqtaldy.

Atap aıtqanda, Roza Baǵlanova atyndaǵy mádenıet ortalyǵy, aýdandyq kitaphanalar júıesi jáne aýyldyq klýbtarda eńbek etetin 25 qyzmetkerge paıdalanylmaǵan jyl saıynǵy eńbek demalysy úshin 1,5 mln teńgeden astam ótemaqy tolyq tólendi.

Osylaısha azamattardyń konstıtýtsııalyq quqyqtary qalpyna keltirildi. Zań buzýshylyqtarǵa jol bergen laýazymdy tulǵalar tártiptik jaýapkershilikke tartyldy.

Prokýratýranyń usynýy negizinde ýákiletti organdar tarapynan eńbek zańnamasynyń saqtalýyn qamtamasyz etýge baǵyttalǵan sharalar qabyldandy.

Aıta keteıik, Qyzylordada paıdaly qazbalardy zańsyz óndirgender ustaldy.