Qyzylorda oblysynda 15 mln balyq shabaǵy qutqaryldy

QYZYLORDA. KAZINFORM – Qyzylorda oblysyndaǵy 164 kól men Kishi Aral teńizi tolyǵymen konkýrstyq negizde 5-49 jyl aralyǵyndaǵy merzimge tabıǵat paıdalanýshylarǵa bekitilip berilgen.

Oblystyq tabıǵı resýrstar jáne tabıǵat paıdalanýdy retteý basqarmasynyń dereginshe, bıyl 11 aıda sý aıdyndarynan 4 800 tonna balyq aýlandy. Onyń 93%-y Kishi Aral teńizine tıesili. 

- 2028,7 tonna balyq ónimderi 8 shet elge eksporttaldy. 11 balyq óńdeý zaýytynyń 4-i Eýropalyq odaq elderine balyq ónimderin eksporttaý quqyǵyna ıe. 2025 jyly kól-taýarly balyq sharýashylyqtary balyq ósirý kólemin 1,5 myń tonnaǵa jetkizýdi josparlap otyr, - delingen habarlamada. 

Búginde óńirde 80 kól-taýarly balyq sharýashylyǵy bar. 2025 jyly oblystyq bıýdjetten balyq ósirý úshin balyq jemin satyp alýǵa jumsalatyn shyǵystyń 30%-yn sýbsıdııalaýǵa 10,1 mln teńge bólingen.

- Kúrishtik alqaptarda qalǵan balyq shabaqtaryn qutqarý boıynsha is-sharalar jospary bekitildi. Soǵan sáıkes tamyz, qyrkúıek, qazan aılarynda jumysshy toptar qurylyp, qarqyndy jumys atqardy. Nátıjesinde 15 mln balyq shabaǵy qutqaryldy, - delingen basqarmanyń resmı habarlamasynda.

Eske salaıyq, 2021 jyldan ber eldegi balyq ósiretin sharýashylyq sany 650-ge jetken.