Qyzylorda oblysynda 133 eresek adam qyzylsha aýrýyn juqtyrdy

Qyzylorda oblysynda jyl basynan beri naqtylanǵan qyzylsha aýrýynyń 1106 jaǵdaıy tirkeldi. Olardyń 133-i eresek adamdar arasynda anyqtalyp otyr, dep habarlaıdy Kazinform.

Jyl basynan beri Qyzylorda oblysynda laboratorııalyq zertteý nátıjesimen naqtylanǵan qyzylsha aýrýynyń 1106 jaǵdaıy tirkeldi. Olardyń 973-i 14 jasqa deıingi balalar arasynda anyqtalǵan. Onyń ishinde 252-i bir jasqa tolmaǵan sábıler arasynda anyqtaldy. Eresek turǵyndar arasynan 133 naýqas atalǵan aýrýmen syrqattanǵan.

«Qyzylsha indetine shaldyqqandardyń basym bóligi aýrýǵa qarsy ekpe almaǵan. Olardyń sany jalpy syrqattanýshylyqtyń 68%-yn qurady. Budan bólek, 120 naýqastyń qyzylshaǵa qarsy ımmýndyq mártebesi belgisiz ekendigi anyqtaldy. Aýyrǵandardyń ishinde ekpe alǵan naýqastar da bar. Alaıda olar qyzylshaǵa qarsy ekpeniń tolyq kýrsyn almaǵan. Tek 1 dozasyn qabyldaǵan. ıAǵnı aǵzada tolyq ımmýnıtet qalyptaspaǵan. Ol aýrýdy juqtyryp alý jaǵdaıyna alyp keldi», - dep málim etti Qyzylorda oblysynyń sanıtarııalyq-epıdemıologııalyq baqylaý departamenti basshysy Dınara Janabergenova.

Vedomstvo málimetinshe, tıisti kontıngentter arasynda qosymsha jappaı ımmýndaý 6 qarashadan bastalǵan. Qazirge deıin 3416 adam qyzylshaǵa qarsy ekpe aldy. Bul shara áli de jalǵasýda.