Qyzylorda oblysynda 11 jyl izdeýde bolǵan qylmysker qolǵa tústi

QYZYLORDA. KAZINFORM - Qyzylorda oblysynda polıtseıler 11 jyl izdeýde bolǵan qylmyskerdi qolǵa túsirdi.

Qyzylorda oblysy Polıtsııa departamenti Krımınaldyq polıtsııa basqarmasy jáne Qazaly aýdandyq polıtsııa bóliminiń qyzmetkerleri tergeýden boı tasalap júrgen qylmyskerdi qolǵa túsirdi.

«QR Qylmystyq kodeksiniń 300-babynyń 2-bóligimen (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) kúdikti qatarynda tanylǵan qylmysker 11 jyl izdeýde júrgen bolatyn. Oǵan qatysty qamaýda ustaý túrindegi bultartpaý sharasy qoldanyldy», - dep málim etti Qyzylorda oblystyq polıtsııa departamentinen.

Vedomstvo málimetinshe, Qyzylorda qalalyq polıtsııa basqarmasynyń jedel ýákilderi qaraqshylyq jasap, izdeýde júrgen 39 jastaǵy azamatty Jetisý oblysynda ustady. Qazirgi ýaqytta ol ýaqytsha ustaý ızolıatoryna qamaldy.

Respýblıka kóleminde ótkizilgen «Іzdestirý» jedel profılaktıkalyq is-sharasy kezinde 4 qylmysker jáne habar-osharsyz ketken 3 azamat anyqtalǵan.

Eske salsaq, bıyl Qyzylorda oblysynda 50-den astam ınternet-alaıaqtyq qylmysy tirkelgen.