Qyzylorda oblysynda 102 jastaǵy maıdanger aýdan ákimi saılaýynda tańdaý jasady

Qyzylorda oblysynda 102 jastaǵy syrdarııalyq maıdanger ıAhııa Tasyrov pılottyq negizde alǵash ret ótip jatqan aýdan ákimi saılaýynda tańdaý jasady, dep habarlaıdy Kazinform.

Syr óńirinde Syrdarııa jáne Shıeli aýdandary ákiminiń saılaýy ótýde.

Oǵan 102 jastaǵy syrdarııalyq maıdanger ıAhııa Tasyrov alǵashqylar qatarynda kelip, óz tańdaýyn jasady.

«Týǵan jerine qyzmet etetin azamatty tańdaý - mańyzdy sát. Birlikti tý etip, aýdannyń damýyna negiz bolatyn saıası naýqanǵa árbir azamat beı-jaı qaramaý qajet», - dedi qart maıdanger.

Qazynaly qarııa óz tańdaýyn jasaǵannan keıin aq batasyn berip, sáttilik tiledi.

Aıta ketsek, Syrdarııada 22101, Shıelide 50402 saılaýshy tirkelgen.

Saılaý komıssııalarynyń málimeti boıynsha, 2 aýdanda 1011 azamat alǵash ret daýys berýge qatysady. Onyń 694-y Shıeli, 317-i Syrdarııa aýdanynda turady. Sondaı-aq pılottyq saılaý ótetin aýdandarda 5 qarasha kúni 18 jasqa tolatyn 5 azamat bar.

Daýys berý jergilikti ýaqyt tańǵy saǵat 07.00-den bastalyp, keshki 20.00-ge deıin jalǵasady.