Qyzylorda oblysynda 1011 jas azamat alǵash ret saılaýǵa qatysady

Syrdarııa aýdanynyń jas turǵyny Eljan Tórebekuly alǵash ret saılaýǵa qatysyp, aýdan ákimi saılaýynda óz tańdaýyn jasady, dep habarlaıdy Kazinform.

Qyzylorda oblysynda búgin Syrdarııa jáne Shıeli aýdandary ákiminiń saılaýy ótip jatyr. Belsendilik tanytqan turǵyndar tańnan beri ýchaskelerge kelip, óz tańdaýyn jasaýda. Olardyń qatarynda syrdarııalyq Eljan Tórebekuly bar.

«Alǵash ret daýys berýge kelip turmyn. Aýdan damýyna qyzmet etetin, jastarǵa janashyr, bastamamyzdy qoldaıtyn adamǵa qoldaý bildirdim», - dedi ol.

Eki aýdanda 1011 jas azamat alǵash ret daýys berý boıynsha daýys berý quqyǵyna ıe.
Aıta keteıik, eki aýdanda 58 saılaý ýchaskesi qurylǵan. Munda barlyǵy 388 komıssııa múshesi qyzmet atqarady.

Saılaý komıssııalarynyń málimeti boıynsha, 2 aýdanda 1011 azamat alǵash ret daýys berýge qatysady. Onyń 694-y Shıeli, 317-i Syrdarııa aýdanynda turady. Sondaı-aq pılottyq saılaý ótetin aýdandarda 5 qarasha kúni 18 jasqa tolatyn 5 azamat bar.

Eske salsaq, budan buryn Qyzylorda oblysynda 102 jastaǵy maıdanger aýdan ákimi saılaýynda tańdaý jasady.