Qyzylorda oblysynda 10 kıiktiń ushasyn saqtaǵan turǵyn ustaldy

ASTANA. KAZINFORM — Qyzylorda oblysynda 10 kıiktiń ushasyn saqtaǵan turǵyn ustaldy. Kúdikti ýaqytsha ustaý ızolıatoryna qamaldy.

Qyzylorda oblysy Polıtsııa departamentiniń Jalaǵash aýdandyq polıtsııa bólimi qyzmetkerleri «Brakoner» jedel-profılaktıkalyq is-sharasyn júrgizdi.

«Atalǵan shara barysynda joıylyp ketý qaýpi tónip turǵan kıik janýaryn saqtap, qylmystyq jolmen paıda tapqysy kelgen 50 jastaǵy oblys turǵyny qolǵa tústi. Kúdiktiniń turǵylyqty mekenjaıyn tekserý barysynda 10 kıiktiń ushasy, et jáne balta aıǵaq zat retinde alyndy», — dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha sotqa deıingi tergep-tekserý áreketteri bastaldy. Barlyq qajetti saraptamalar taǵaıyndalǵan. 

Eske salsaq, budan buryn Qyzylordada jol-kólik oqıǵasynda jasóspirimniń ólimine sebep bolǵan júrgizýshi sottaldy.