Qyzylorda oblysynan Parıj Olımpıadasyna tórt sportshy barady
ASTANA. KAZINFORM - Qyzylorda oblysynan 2024 jylǵy Parıj Olımpıadasyna tórt sportshy attanady.
Syr óńiriniń sańlaqtary boks, grek-rım kúresi jáne dzıýdodadan el namysyn qorǵaıdy. Olardyń qatarynda Qamshybek Qońqabaev (boks), Aıdos Sultanǵalı (grek-rım kúresi), Abylaıhan Jubanazar men Nurlyhan Sharhan (dzıýdo) bar.
Boksshy Qamshybek Qońqabaev óziniń sportshylyq mansabynda ekinshi Olımpıadaǵa aıaq basqaly otyr. 1991 jyly 18 qarashada Qyzylorda qalasynda dúnıege kelgen ol bokspen 2006 jyldan beri shuǵyldanady. Ony aǵasy Asqar Qońqabaev boks úıirmesine jetelep alyp kelgen edi. Aǵasy da kezinde sporttyń atalǵan túrimen aınalysqan.
Alǵashqy bapkeri Seıitjan Tókenovtyń áli kúnge deıin shákirtine tálim berip keledi. qolastynda júrip qanyǵa bastady. Qazirgi tańda Seıitjan Tókenov – Qamshybek Qońqabaevtyń jeke bapkeri. Asa aýyr salmaqtaǵy bylǵary qolǵap sheberi qazirge deıin Tokıo Olımpıadasynyń qola júldeger atansa, álem chempıonatynda 2017, 2019 jyldarda eki márte kúmis medal ıegeri boldy. Sondaı-aq 2022 jyly Jazǵy Azııa oıyndarynyń ekinshi oryn alsa, Azııa chempıonatyndatórt márte júldegerler qatarynan kórindi.
«Olımpıadaǵa daıyndyq oıdaǵydaı júrip jatyr. Almaty oblysyndaǵy «Aqbulaq» Olımpıadalyq ortalyǵynda Ázerbaıjan boksshylarymen birlesken oqý-jattyǵý jıynyn ótkizip jatyrmyz. Olımpıadaǵa az ýaqyt qaldy. Parıjdegi dodada sátti óner kórsetip, armanymyzǵa qol jetkizý úshin daıyndyqty bir sátke de toqtatpaı, únemi sheberligimizdi shyńdap otyrý kerek», - deıdi boksshy.
Grek-rım kúresinen 60 kelide Aıdos Sultanǵalı 1996 jylǵy 7 aqpanda Qyzylorda qalasynda dúnıege kelgen. Parıjde alǵash ret Olımpıadaǵa qatysady. Ol lıtsenzııany bıyl kóktemde Qyrǵyzstan astanasy Bishkek qalasynda bolǵan qurlyq týrnırde jeńip alǵan. Qazirgi jeke bapkeri – Ǵabıden Raıymbek. Aıdos 2018, 2022 jyldarda álem chempıonatynyń qola júldeger bolsa, 2021 jyly Azııa chempıony ataǵyn jeńip aldy.
Sondaı-aq, dzıýdodan el quramasynda Abylaıhan Jubanazar men Nurlyhan Sharhan el namysyn qorǵaıdy.
Abylaıhan Jubanazar 2000 jyldyń 15 aqpanynda Qazaly qalasynda dúnıege kelgen. Sport jolyndaǵy alǵashqy qadamyn 2013 jyly qazaq kúresinen bastady. Ol sambodan Azııa chempıony, dzıýdodan Qazaqstan jastary arasynda eki dúrkin jeńimpaz atanǵan. Halyqaralyq kóptegen jarystarda el namysyn abyroımen qorǵap qaıtty.
Al Nurlyhan Sharhan 2000 jyly 18 sáýirde Qyzylorda qalasynda dúnıege kelgen. Dzıýdo kúresinen Halyqaralyq dárejedegi sport sheberi 2023 jyly Hangjoý qalasynda Azııa oıyndarynyń qola júldesin aldy. Sondaı-aq sol jyly Azııa oıyndarynda jáne Parıj Grand Slem týrnırinde qola júlde aldy. 2022 jyly Azııa chempıonatynda úzdik úshtikti túıindese, elimizdiń birneshe dúrkin jeńimpazy jáne júldegeri bolǵan.
Aıta ketsek, buǵan deıin 2012 jyly qyzylordalyq Marına Volnova (75 keli) áıelder boksynda qola júldege qol sozdy. 2016 jyly aýyr atletıkadan Aleksandr Zaıchıkovtiń (105 keliden joǵary) kúmis júldesine qýana qol soqqan edik. Al 2020 jyly Qamshybek Qońqabaev (91 keli) úzdik úshtikti túıindedi.
Sondaı-aq oblystan dzıýdoshy Janar Janzunova, taekvandoshy Aınur Esbergenova, gandboldan ulttyq qurama sapynda qyzylordalyq sportshylardyń el namysyn qorǵap qaıtqanyn jerlesteri áli umyta qoıǵan joq.
