Qyzylorda oblysyna teri jáne jún óndirisin damytý úshin Mońǵolııa kompanııalary kele me
ASTANA. KAZINFORM – Óńirge atalǵan salany órkendetetin Mońǵolııa ınvestrorlaryn tartý kózdelip otyr. Bul jóninde Qyzylorda oblysy ákiminiń orynbasary Ardaq Zebeshev Qazaqstan-Mońǵolııa bıznes forýmynda málimdedi.
Onyń sózinshe, aımaqta iri qara mal, jylqy jáne túıe óte kóp. Máselen, túıeniń sany 60 myńnan asady. Mal sharýashylyǵyn ilgeriletý úshin biraz jumys atqarylyp jatyr.
— Túıe sútin untaq túrinde shyǵaryp, Qytaıǵa eksporttaıtyn jańa zaýytty bıyl iske qosamyz. 350 myń tonna ónimdi Qytaıǵa jetkizemiz. Bul baǵytta 10 jyldyq ofteık-kelisim bar, — dedi oblys ákiminiń orynbasary.
Degenmen, onyń sózinshe, maldyń terisi men júni ysyrap bolyp, bosqa qalyp jatyr. Bul sektordy mońǵolııalyq kompanııalardan úırený josparda bar.
— Bizdiń maqsatymyz — mońǵol kompanııalarymen birlesip, teri jáne jún óńdirisin damytý. Shıkizatty óńdep, jartylaı daıyn kúıge jetkizýdi jáne shetelderge eksporttaýdy kózdeımiz. Byltyr bizdiń bıznes ókilderi Mońǵolııaǵa baryp, kezdesýler ótkizdi. Qazir osy baǵyttaǵy jumystardy jalǵastyryp, ákimdik tarapynan qoldaý kórsetip jatyrmyz, — dedi Ardaq Zebeshov.
Aıta keteıik, buǵan deıin Qazaqstan men Mońǵolııa baılanysyn damytýdaǵy josparlar jóninde jazǵanbyz.
