Qyzylorda oblysyna ınvestıtsııa tartý jospary oryndaldy ma
ASTANA. KAZINFORM – Qyzylorda oblysyna ınvestıtsııa tartý jospary artyǵymen oryndaldy. Bul týraly Jibek Joly telearnasynyń «Ýáde» baǵdarlamasynda atalǵan óńirdiń ákimi Nurlybek Nálibaev málim etti.
– 2021 jyldyń qorytyndysy boıynsha óńirge 308 mlrd teńge ınvestıtsııa tartylyp, sol kezde jospar 64 paıyzǵa ǵana oryndalǵan. Negizi, osy jylǵa jospar 676 mlrd teńge bolǵan edi. Degenmen, bıylǵa 720 mlrd teńge ınvestıtsııa tartylyp jatyr. Muny óte jaqsy kórsetkish dep sanaımyn. Bul baǵyttaǵy jumysty kúsheıtip jatyrmyz, - dedi N. Nálibaev.
Sonymen qatar ol 2022 jyldyń kúzinde iske qosylǵan shyny zaýytynyń jumysyna da toqtaldy.
– Osy zaýyttyń janynan basqa da jańa jobalar júzege asyp jatyr. 60 mlrd teńgege shyny bótelkeler shyǵaratyn zaýyttyń qurylysyn keler jyly bastaımyz. Bul joba óńirdiń damýyna yqpal etedi. Budan bólek, shyny zaýytynyń jumysyn uıymdastyryp otyrǵan kompanııa aldaǵy eki jylda 27 mlrd teńgege jańa jobany júzege asyrady, - dedi óńir ákimi.
Onyń sózine qaraǵanda, jalpy shyny zaýytynyń aınalasynda 8 kásiporyn salý josparlanǵan.
Buǵan deıin Qyzylordadaǵy shyny zaýytynyń jumysy týraly jazǵan edik.