Qyzylorda oblysy Jumyldyrý daıyndyǵy basqarmasyna basshy taǵaıyndaldy
Oblys ákiminiń ókimimen Qyzylorda oblysynyń Jumyldyrý daıyndyǵy basqarmasy basshysy qyzmetine Marat Qurmanbaev taǵaıyndaldy, dep habarlaıdy Kazinform.
M.Qurmanbaev 1963 jyly Qyzylorda oblysynda dúnıege kelgen. Jambyl gıdromelıoratsııa qurylys ınstıtýtyn «Gıdromelıoratsııa» mamandyǵy boıynsha bitirgen.
Eńbek jolyn «Qyzylordavodstroı» PMK-29 tresinde jumysshy bolyp bastaǵan.
Ár jyldary osy treste túrli qyzmet atqarǵan. 1990-2000 jyldary Jalaǵash aýdanynyń tabıǵat qorǵaý komıtetiniń mamany, jetekshi mamany, basshysy bolǵan.
2000-2020 jyldary Qyzylorda oblysynyń Ekologııa departamenti basshysynyń orynbasary, departament basshysy qyzmetterin atqarǵan.
2020-2022 jyldary Jambyl oblysynyń Ekologııa departamentiniń basshysy laýazymynda boldy.
2022 jyldyń maýsym aıynan beri Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy qyzmetin atqaryp keldi.
Eske salsaq, budan buryn Qyzylorda oblysynyń Dene shynyqtyrý, sport jáne týrızm basqarmasy basshysy taǵaıyndaldy.
