Qyzylorda oblysy Jalaǵash aýdanynyń ákimi taǵaıyndaldy
Qyzylorda oblysy Jalaǵash aýdanynyń ákimi taǵaıyndaldy, dep habarlaıdy Kazinform.
QR Prezıdenti Ákimshiliginiń, Jalaǵash aýdandyq máslıhatynyń kelisimi jáne oblys ákiminiń ókimimen atalǵan qyzmetke Ibraımov Ardaq Ábdiǵapparuly keldi.
Ardaq Ábdiǵapparuly 1986 jyly Qyzylorda qalasynda dúnıege kelgen. Qorqyt Ata atyndaǵy Qyzylorda memlekettik ýnıversıtetin «Munaı men gaz ken oryndaryn ıgerý», «Bolashaq» ýnıversıtetin «Quqyqtaný», «Memlekettik jáne jergilikti basqarý», Qyzylorda gýmanıtarlyq ýnıversıtetin «Qarjy» mamandyqtary boıynsha bitirgen.
Eńbek jolyn 2006 jyly «Kazgermunaı» jaýapkershiligi shekteýli seriktestiginde ınjenerdiń kómekshisi bolyp bastaǵan. Ár jyldary munaı jáne qurylys kompanııalarynda qarapaıym jumysshydan basshylyq laýazymdarda qyzmette bolǵan.
2019-2020 jyldary Qyzylorda qalasy ákimi apparatynyń personaldy basqarý qyzmetiniń basshysy, Qyzylorda qalasy ákiminiń keńesshisi bolyp eńbek etti.
2020-2022 jyldary Qyzylorda qalasyna qarasty Belkól kentiniń ákimi, 2022-2023 jyldary Qyzylorda oblysy ákimdigi is basqarmasynyń dırektory boldy.
2023 jyldyń aqpan aıynan bastap Qyzylorda oblysy ákimi apparaty basshysynyń orynbasary qyzmetin atqaryp keldi.
Búgin sondaı-aq Qyzylorda oblysy Bilim basqarmasynyń basshysy taǵaıyndalǵan bolatyn.
