Qyzylorda oblysy Shıeli aýdanyna jańadan ákim saılandy

QYZYLORDA. KAZINFORM - Oblys ákimi Nurlybek Nálibaevtyń tóraǵalyǵymen Shıeli aýdanynda ótken aktıv otyrysynda osy aýdannyń  jańadan saılanǵan ákimi tanystyryldy. Bul qyzmetke Aıtbaı Jandarbekov keldi.

Oblystyq saılaý komıssııasynyń tóraǵasy Ádilbek Ersultanov Shıeli aýdany ákimi saılaýynyń qorytyndysyn habarlady. Aýdanda saılaýshylardyń 72,91% ýchaskelerge kelip, olardyń 81,2%-y Aıtbaı Jandarbekovti qoldaǵan.

A.Jandarbekov 1974 jyly dúnıege kelgen. Qyzylorda polıtehnıkalyq ınstıtýtyn «Býhgalterlik esep jáne aýdıt» mamandyǵy boıynsha bitirgen.

Eńbek jolyn 1992 jyly «Qazaqstannyń 30 jyldyǵy» keńsharynda jumysshy bolyp bastap, ár jyldary túrli salada eńbek etken.

2001-2018 jyldary «Báıgequm» stantsııasynyń poshta meńgerýshisi, Shıeli aýdandyq statıstıka basqarmasynyń jetekshi mamany qyzmetterin atqarǵan. 2018-2020 jyldary «Gıgant» aýyldyq okrýginiń ákimi retinde turǵyndardyń ózekti máselelerin sheshýge atsalysty.

2020-2023 jyldary Shıeli aýdandyq statıstıka basqarmasynyń basshysy, aýdan ákiminiń orynbasary laýazymdarynda qyzmet atqardy.

2023 jyldyń naýryz aıynan Shıeli aýdandyq máslıhatynyń tóraǵasy boldy.

Eske salsaq, budan buryn Sybaılas jemqorlyqqa qarsy is-qımyl agenttigi Qyzylorda oblysy boıynsha departamentiniń jańa basshysy taǵaıyndaldy.