Qyzylorda oblysy mektepterinde sottalǵan jáne dıplomy jalǵan adamdar jumys istegen

Qyzylorda oblysyndaǵy mektepterde pedagogtardyń jalǵan dıplommen jumysqa qabyldanǵany anyqtaldy, dep habarlaıdy Kazinform.

Qyzylorda oblystyq prokýratýrasy orta bilim mekemelerinde tekserý júrgizýde.

Alǵashqy tekserý nátıjesinde sanıtarlyq-epıdemıologııalyq talaptar men órt qaýipsizdigin buzýdyń 200-den astam faktisi anyqtalǵan.

Keı mektepterde beınebaqylaýdyń «soqyr aımaqtary» joıylmaǵan.

Jumys istemeıtin beınekameralar bar. Saldarynan sapaly baqylaýǵa kedergi keltiredi.

«Informatıka sabaǵynda oqýshylar baqylaýsyz qalyp, eresekter men qumar oıyndarǵa arnalǵan saıttarǵa erkin kirýge múmkindik berilgen. Al 26 mektepte muǵalimderdi konkýrs ótkizbeı jumysqa ornalastyrý faktisi anyqtalyp, sottalǵanjáne medıtsınalyq mekemelerdiń „D“ esebinde turǵandar jumysqa ornalastyrylǵan. Pedagogtardyń jalǵan dıplommen jumysqa qabyldanǵany anyqtalyp, olar boıynsha qylmystyq is tirkeldi», — dep málim etti Qyzylorda oblystyq prokýratýrasynan.