17:37, 15 Sáýir 2024 | GMT +6
Qyzylorda oblysy Qazaly aýdanynda tarıhı-mádenı nysandardyń aýmaǵy tazartyldy
QYZYLORDA. KAZINFORM - Memleket basshysynyń tapsyrmasyna sáıkes elimizde bastaý alǵan «Taza Qazaqstan» respýblıkalyq aktsııasy aıasynda Syr óńirinde «Taza Qazaqstan – taza aımaq» naýqany uıymdastyryldy.
Aktsııanyń ekinshi aptasy «Kıeli meken» ataýymen jalǵasyp, tarıhı-mádenı eskertkishterdiń aýmaǵy tazartylatyn bolady. Atalǵan is-sharaǵa qazynaly Qazaly aýdanynyń turǵyndary erekshe qoldaý bildirip jatyr.
Aýdan halqy Janqoja batyr kesenesi men Ǵ.Muratbaevtyń memorıaldyq mýzeıiniń aýmaǵyna tazalyq jumystary júrgizip, aǵash kóshetterin otyrǵyzdy. Naýqanǵa 40-tan asa halyq belsendilik tanytty.
