Qyzylorda oblysy ekonomıkasynda oń ózgeris baıqaldy

Qyzylorda oblysynda jyl basynan beri áleýmettik-ekonomıkalyq damýdyń negizgi makrokórsetkishteri boıynsha ósimniń oń dınamıkasy qalyptasty, dep habarlaıdy Kazinform. 

Oblystyń ónerkásip kásiporyndary quny 763,6 mıllıard teńge bolatyn ónim óndirdi. Bul kórsetkish ótken jylmen salystyrǵanda 0,7 paıyz artyq. Óńdeý ónerkásibi de bıyl 15,8 paıyzǵa artyq oryndalǵan. Bul jóninde Óńirlik kommýnıkatsııalar qyzmetiniń baspasóz alańynda oblystyq Ekonomıka jáne qarjy basqarmasynyń basshysy Qambarbek Múbarakov aıtty.

«Ósim negizinen tamaq ónimderin óndirýdiń 3,1%-ǵa, munaı óńdeý ónimderin óndirýdiń 13,5%-ǵa, rezeńke jáne plastmassa buıymdaryn óndirýdiń 13,7%-ǵa, ózge de beımetall mıneraldyq ónimderdi óndirýdiń 21,6%-ǵa, metallýrgııa óndirisiniń 36%-ǵa jáne mashınalar men jabdyqtardy jóndeý jáne ornatýdyń 38,9%-ǵa artýy esebinen qamtamasyz etilgen. 2023 jyly Biryńǵaı ındýstrııalandyrý kartasy aıasynda oblysta jalpy quny 3,9 mlrd teńge bolatyn, 199 jumys orny qurylatyn 3 jobany iske asyrý josparlanǵan», - dedi Qambarbek Amangeldiuly.