Qyzylorda oblysy boıynsha medıtsınalyq baqylaý departamentiniń basshysy taǵaıyndaldy
QYZYLORDA. KAZINFORM — Densaýlyq saqtaý mınıstriniń kelisimi negizinde Medıtsınalyq baqylaý komıteti tóraǵasynyń buıryǵymen komıtettiń Qyzylorda oblysy boıynsha departamentiniń basshysy laýazymyna Janerke Jaqsylyq taǵaıyndaldy.
Janerke Almasqyzy 1992 jyly Qyzylorda qalasynda dúnıege kelgen. 2009-2016 jyldary Aqtóbe qalasyndaǵy M.Ospanov atyndaǵy Batys Qazaqstan memlekettik medıtsına ýnıversıtetin jalpy tájirıbeli dáriger mamandyǵy boıynsha úzdik bitirgen.
Eńbek jolyn 2017 jyly № 3 qalalyq emhanada ýchaskelik dáriger retinde bastap, osy emhanada bólim meńgerýshisi, bas dárigerdiń orynbasary laýazymdaryn atqarǵan.
2023-2026 jyldary Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Qyzylorda oblysy boıynsha departamenti basshysynyń orynbasary bolyp jumys istegen. 2026 jyldyń maýsym aıynan búgingi kúnge deıin atalǵan departamenttiń basshysy qyzmetin atqaryp keldi.
Buǵan deıin Nurbek Serikov Sý resýrstary jáne ırrıgatsııa mınıstrliginiń Sý sharýashylyǵy komıtetiniń tóraǵasy bolyp taǵaıyndaldy.
