Qyzylorda oblysy ákiminiń orynbasary taǵaıyndaldy
QYZYLORDA. KAZINFORM - Búgin Qyzylorda oblysynyń ákimi Murat Ergeshbaev Qazaqstan Respýblıkasy Prezıdenti Ákimshiliginiń kelisimimen jáne oblys ákiminiń ókimimen oblys ákiminiń orynbasary laýazymyna taǵaıyndalǵan Nurıddın Amanquldy aımaq aktıvine tanystyrdy.
Nurıddın Amanqululy 1986 jyly Taraz qalasynda dúnıege kelgen. K.Saǵadıev atyndaǵy halyqaralyq bıznes ýnıversıtetin ekonomıka mamandyǵy boıynsha támamdaǵan, ekonomıka ǵylymdarynyń magıstri.
Eńbek jolyn 2007 jyly Halyqaralyq saıasat ınstıtýtynda sarapshy retinde bastap, keıin memlekettik jáne halyqaralyq ınvestıtsııalyq-qarjylyq uıymdarda jaýapty qyzmet atqarǵan.
2012-2018 jyldary «KAZNEX INVEST» eksport jáne ınvestıtsııalar jónindegi ulttyq agenttiginde departament dırektory, basqarýshy dırektor jáne Ystanbul qalasyndaǵy ınvestıtsııalyq ókil bolǵan.
2018-2023 jyldary Qazaqstan Respýblıkasy Syrtqy ister mınıstrliginiń Investıtsııalar komıtetinde sheteldik ınvestıtsııalar tartý basqarmasyn basqardy, sondaı-aq Qazaqstannyń Túrkııa Respýblıkasyndaǵy elshiliginde birinshi hatshy jáne keńesshi laýazymdarynda eńbek etti.
2023 jyldyń maýsym aıynan osy taǵaıyndaýǵa deıin Qazaqstan Respýblıkasynyń Ystanbul qalasyndaǵy bas konsýly qyzmetin atqardy.
Murat Nálqojauly jańa orynbasaryna óńirdiń kásipkerlik, týrızm jáne agrarlyq áleýetin arttyrýǵa baǵyttalǵan keshendi sharalardy júzege asyrýdy tapsyrdy.
Buǵan deıin Densaýlyq saqtaý mınıstrliginiń 2026 jylǵy 4 maýsymdaǵy buıryǵyna sáıkes Medıtsınalyq jáne farmatsevtıkalyq baqylaý komıteti Qyzylorda oblysy boıynsha departamentiniń basshysy laýazymyna Janerke Jaqsylyq taǵaıyndaldy.
