Qyzylorda oblysy ákiminiń orynbasary taǵaıyndaldy

QYZYLORDA. KAZINFORM - Qazaqstan Prezıdenti Ákimshiliginiń kelisimimen jáne Qyzylorda oblysy ákiminiń ókimimen Ardaq Temirhanuly Zebeshev oblys ákiminiń orynbasary laýazymyna taǵaıyndaldy.

Ardaq Zebeshev 1981 jyly Shymkent qalasynda dúnıege kelgen. M.Áýezov atyndaǵy Ońtústik Qazaqstan ýnıversıtetin «Halyqaralyq qatynastar», Qaztutynýodaǵy Qaraǵandy ýnıversıtetin «Ekonomıka» mamandyǵy boıynsha bitirgen.

«Bolashaq» baǵdarlamasynyń túlegi. London Koroldik kolledji men Anglııa Bıznes mektebin aıaqtap, memlekettik saıasat jáne qyzmetterdi basqarý, iskerlik ákimshilendirý salasynyń magıstri atanǵan.

Eńbek jolyn 2003 jyly Shymkent qalasynyń eńbek jáne áleýmettik qorǵaý basqarmasynyń bas mamany bolyp bastap, ár jyldary QR Aýyl sharýashylyǵy mınıstrligi Syrtqy baılanystar jáne ınvestıtsııalar basqarmasynyń jaýapty laýazymdarynda jumys istegen.

2006-2010 jyldary Qazaqstannyń Ózbekstan Respýblıkasyndaǵy Elshiliginiń úshinshi hatshysy, Syrtqy ister mınıstrliginiń Memlekettik protokol qyzmetiniń úshinshi jáne ekinshi hatshysy bolǵan.

2010-2019 jyldary QR Premer-mınıstri Keńsesiniń syrtqy baılanystar jáne protokol bóliminiń bas sarapshysy, sektor meńgerýshisi, «Samuryq-Qazyna Invest» JShS Halyqaralyq qatynastar departamentiniń dırektory, «Samuryq-Qazyna» Ulttyq ál-aýqat qory» basqarma tóraǵasy hatshylyǵynyń basshysy, QR Premer-mınıstri orynbasarynyń keńesshisi qyzmetterin abyroımen atqarǵan.

2019-2021 jyldary Syrtqy ister mınıstrligi Investıtsııa komıtetiniń Investıtsııalyq jobalardy súıemeldeý jáne iske asyrý basqarmasynyń basshysy, Komıtet tóraǵasynyń orynbasary laýazymdarynda nátıjeli qyzmet kórsetti. 2021 jyldyń qyrkúıek aıynan osy kezge deıin Syrtqy ister mınıstrligi Investıtsııa komıtetiniń tóraǵasy qyzmetin atqaryp keldi.

Eske salsaq, budan buryn Baqyt Jahanov Qyzylorda oblysy ákiminiń orynbasary boldy.