Qyzylorda men Túrkistan oblystary arasynda jol jabyldy

QYZYLORDA. KAZINFORM - Qyzylorda oblysynyń ońtústiginde kún buzyldy. Osyǵan baılanysty «Samara-Shymkent» avtomobıl jolynyń birqatar bóliginde jol jabyldy.

Qyzylorda oblysynyń ońtústiginde qar aralas jańbyr, nólden tómen temperatýra kórinis berdi.

Saldarynan aýa raıynyń kúrt nasharlaýy baıqaldy.

«Astana qalasynyń ýaqytymen 30 qańtar 22:20-den bastap respýblıkalyq mańyzy bar «Samara-Shymkent» avtomobıl jolynyń 1802-2055,5 shaqyrym aralyǵyna barlyq kóliktiń qozǵalysyna ýaqytsha shekteý qoıyldy. Ol Qyzylorda qalasynan Túrkistan oblysynyń shekarasyna deıingi aralyqty qamtıdy», - dep málim etti Qyzylorda oblystyq tótenshe jaǵdaılar departamentinen.

Eske salsaq, eki kún buryn da Qyzylorda oblysynda Samara-Shymkent respýblıkalyq trassasy jabylǵan edi.