Qyzylorda qalasynda Jańa jyldy toılaýda byltyrǵy shyrsha qoıylady
QYZYLORDA. KAZINFORM - Bıyl Qyzylorda qalasynda Jańa jyldy shyrshasyn ornatýǵa eshqandaı qarjy bólingen joq. Oǵan ótken jyly paıdalanylǵan jasandy shyrsha qoıylady.
Jańa jyl qarsańynda qala boıynsha 5 shyrsha men kishi arhıtektýralyq beıneler qoıý josparalanǵan. Bıiktigi 23 metrge quraıtyn bas shyrsha Y.Jaqaev kóshesiniń boıyna ornatylady. Oǵan qosa 30 kishi arhıtektýralyq pishinder(arka, jazýlar, úıshikter, buǵylar jáne ózge de taqyryptyq bezendirý) qoıylady. Qosymsha shyǵyndar demeýshiler esebinen júrgiziledi.
Jańa jyldyq mereke qarsańynda ózge de is-sharalardy ótkizý josparlanýda. Onyń ishinde bas shyrshany jaǵý rásimi jáne merekelik is-shara ótkizý bar.
Qyzylorda qalalyq bıýdjetinen Jańa jyldy toılaý maqsatynda 7,1 mıllıon tenge bólingen.
Ol Qyzylorda qalalyq mádenıet jáne tilderdi damytý, qalalyq turǵyn úı-kommýnaldyq sharýashylyǵy bólimderi arqyly jumsalady.