Qyzylorda qalasynda jabyq páterde qulap jatqan qart áıel qutqaryldy

QYZYLORDA. KAZINFORM - Qyzylorda qalasynda syrtqy esigi qulyptaýly páter ishinde qulap qalǵan 66 jastaǵy qart áıel qutqaryldy.

Oqıǵa 28 naýryzda Qyzylorda qalasyndaǵy Áıteke bı kóshesindegi turǵyn úıde bolǵan. Saǵat 09.38-de bul boıynsha páterdiń syrtqy esigin 66 jastaǵy qarııanyń birneshe saǵattan beri ashpaı jatqany jóninde shaqyrtý túsken.

«Oqıǵa ornyna Jedel qutqarý jasaǵynan 5 qutqarýshy tehnıkasymen bardy. Onda qutqarýshylar týystarynyń qatysýymen slesarlyq quraldardy paıdalanyp, páterdiń syrtqy esigin ashyp berdi. Páter ishindegi jýyný bólmesinde 1958 jyly týǵan qart kisi qulap jatqany anyqtaldy. Oqıǵa ornyna jedel járdem qyzmetkerleri shaqyryldy. Qart áıel jedel járdem mamandaryna tapsyryldy», - dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn Qyzylordada 3 jasar bala tórtinshi qabattan qulap ketti.