Qyzylorda qalasynda kóktaıǵaq saldarynan búgin 7 jol-kólik oqıǵasy tirkeldi
QYZYLORDA. KAZINFORM — Qyzylorda qalasynda kóktaıǵaq saldarynan búgin, 5 jeltoqsanda 7 jol-kólik oqıǵasy tirkeldi.
Búgin oblys ortalyǵynda aýa raıynyń qolaısyzdyǵy baıqalyp otyr. Saldarynan 7 jol-kólik oqıǵasy tirkeldi.
— Jol apatynan jaraqat alǵan 3 qala turǵyny aýrýhanaǵa kórinip, qaıtaryldy. Oblys turǵyndarynan jolda abaı bolýyn, júrgizýshilerden kólik jyldamdyǵyn údetpeýin suraımyz. Jyldamdyq rejımin saqtaýdy suraımyz. Sondaı-aq avtomobılder arasyndaǵy qaýipsiz araqashyqtyqty, ıaǵnı dıstantsııa saqtaý jáne qysqy dóńgelektermen jabdyqtalý mańyzdy. Bul joldaǵy kútpegen apattyń aldyn alýǵa birden-bir sebepshi bolady, — dep málim etti Qyzylorda oblystyq polıtsııa departamentinen.
Eske salsaq, Qyzylordada baspaldaqtyń temir qorshaýyna basy qysylyp qalǵan bala qutqaryldy.