Qyzylorda qalasynda esirtkini jarnamalaıtyn 50-den astam graffıtı-jazýlary joıyldy
QYZYLORDA. KAZINFORM - Qyzylorda qalasynda esirtki jarnamalaıtyn 50-den astam graffıtı-jazýlary joıyldy.
Bıyl 286 esirtki qylmysy tirkelgen. Onyń ishinde 72 esirtki ósirý, 18 ótkizý, 6 asa iri kólemde saqtaý, 18 jarnamalaý jáne 107 teris qylyq jaǵdaıy tirkelgen.
«Oblys ortalyǵynda esirtki jarnamasy bar graffıtı jazýlardy óshirý boıynsha aýqymdy aktsııa ótti. Oǵan polıtsııa qyzmetkerleri, stýdentter men eriktiler belsene qatysty. Profılaktıkalyq jumystardy nyǵaıtý úshin qala, aýdan jasóspirimderi arasynda esirtki zattarynyń aldyn alý úgit-nasıhat jumystary júrgizildi. Oǵan kámeletke tolmaǵandar isi jónindegi qyzmetkerleri, oqýshy, ata-analar men oqytýshylar qaýymy qatysty», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda bıylǵy jyldyń toǵyz aıynda jol apaty 39,1 paıyzǵa ósken.
