Qyzylorda qalasynda elimizdegi alǵashqy «Quzyrettilik ortalyǵy» ashyldy
ASTANA. KAZINFORM — Qyzylordada elimizdegi alǵashqy «Quzyrettilik ortalyǵy» paıdalanýǵa berildi.
Joba Memleket basshysy Qasym-Jomart Toqaevtyń óńirlerde quzirettilik ortalyqtaryn ashý jónindegi tapsyrmasy aıasynda júzege asyryldy.
Jańa nysan tehnıkalyq jáne kásiptik bilim berý uıymdary men bıznes ókilderi úshin ortaq platformaǵa aınalady.
Eki qabatty, 1000 orynǵa arnalǵan zamanaýı ǵımarat stýdentterdi halyqaralyq kásibı sheberlik jarystaryna daıarlaýǵa múmkindik beredi. Sonymen qatar munda sarapshylar qaýymdastyǵyn damytý, jumysshy mamandyqtarynyń bedelin arttyrý jáne jastardyń jumysshy kásipterine qyzyǵýshylyǵyn kúsheıtý baǵytynda júıeli jumystar júrgiziledi.
Ortalyqta jumysshy quzyrettilikteri boıynsha jastardyń kásibı daǵdylaryn qalyptastyrýǵa basymdyq berilgen. Pedagogter men jas mamandar ozyq tehnologııalarmen jumys istep, eńbek naryǵynda suranysqa ıe bilikti maman retinde qalyptasýyna jaǵdaı jasalǵan.
Sondaı-aq ǵımarat respýblıkalyq jáne halyqaralyq deńgeıdegi forýmdar, konferentsııalar, semınarlar men kórmeler ótkizýge beıimdelgen.
Aıta ketý kerek, mundaı ortalyqtar óndiris pen bilim berý arasyndaǵy baılanysty kúsheıtip, el ekonomıkasyna qajetti jumysshy kadrlardy daıarlaýǵa serpin beredi.
Aıta ketelik «Keleshek mektepteri»: úsh jylda 460 myń oqýshy orny ashyldy.