Qyzylorda qalasynda bir kúnde úsh bala terezeden qulap ketti
QYZYLORDA. KAZINFORM - Qyzylorda qalasynda bir kúnde eresekterdiń qaraýynsyz qalǵan úsh bala kóp qabatty úıdiń terezesinen qulap ketti.
Oqıǵa keshe, 12 mamyrda oblys ortalyǵynda bolǵan. Saǵat 21.37-de kóp qabatty úıdiń úshinshi qabatyndaǵy balkonnan úı ıesiniń 2017 jylǵy qyzy men 2018 jylǵy týysy qulap ketken. Olar ártúrli dene jaraqatymen aýrýhanaǵa jatqyzyldy.
Sondaı-aq, qalanyń sol jaǵalaý bóliginde kóp qabatty úıdiń birinshi qabatynyń terezesinen úı ıesiniń 2021 jylǵy balasy qulap ketti. Ol ártúrli dene jaraqatymen aýrýhanaǵa jatqyzylǵan.
«Ata-analardan kishkentaı balalardy qaraýsyz qaldyrmaýdy suraımyz. Moskıt tory balalardy terezeden qulaýdan qorǵaı almaıdy. Eresekterdiń qaraýynsyz balalardyń balkonǵa shyǵýyna ruqsat bermegen jón. Árbir balanyń ómirine ata-anasy jaýapty ekenin esten shyǵarmaǵan jón», - dep málim etti Qyzylorda oblystyq Tótenshe jaǵdaılar departamentinen.
Vedomstvo málimetinshe, bıyl mundaı 7 oqıǵa tirkelgen. Byltyr olardyń sany 14 derekke jetti.
Eske salsaq, budan buryn Qyzylordada kafede bolǵan órtte qutqarýshylar 14 adamdy evakýatsııalady.
