Qyzylorda qalasynda jaryq bir apta sónýi múmkin

QYZYLORDA. KAZINFORM – Qyzylorda qalasynyń keıbir shaǵyn aýdandarynda 26 shilde men 1 tamyz aralyǵynda jaryq ýaqytsha sónýi múmkin. Bul týraly oblystyq energetıka, turǵyn úı-kommýnaldyq sharýashylyǵy basqarmasy habarlady.

Óıtkeni osy ýaqytta jańa jylý elektr ortalyǵyna qosylatyn elektr jelileri jańartylady. Ol úshin 220 kV áýe jelisinde josparly jóndeý jumysy júrgiziledi.

- Jóndeý barysynda eski jeliden jańasyna kóshýge baılanysty qalanyń keıbir shaǵyn aýdandarynda jaryq ýaqytsha sónýi múmkin. Jóndeý jumystary tolyq aıaqtalǵan soń tutynýshylardy elektrmen qamtý qalypty rejımge aýysady. Ýaqytsha qolaısyzdyq úshin keshirim suraımyz, - delingen habarlamada.

Al buǵan deıin Qyzylorda oblysy ákimdiginiń ǵımaraty jóndelip jatqanyn habarlaǵanbyz.