Qyzylorda fýtbol klýby jeke menshikke ótti
QYZYLORDA. KAZINFORM — Qyzylorda oblysynyń «Qaısar» fýtbol klýby 2025 jyldyń 30 qazanynan bastap resmı túrde «TAU Group LTD» kompanııasynyń basshysy Islamǵalı Qozbaqovtyń jeke basqarýyna berildi. Resmı aqparatty oblystyq dene shynyqtyrý, sport jáne týrızm basqarmasynyń baspasóz qyzmeti habarlady.
Prezıdent bıylǵy Joldaýynda fýtbol klýbtaryn jekeshelendirýge qatysty jumysty jedeldetýdi tapsyrǵan bolatyn. Bul jumys soǵan sáıkes atqarylyp otyr. Basqarmanyń baspasóz qyzmeti fýtbol klýbyn damytý boıynsha naqty sharalar qabyldanǵanyn atap ótti. Onyń ishinde klýb akademııasy men ınfraqurylymyn damytýǵa 12 mlrd teńge kóleminde ınvestıtsııa salý josparlandy.
— Aıta keteıik, elimizde alǵashqylardyń biri bolyp qyzylordalyq «Qaısar» fýtbol klýby legıonelerden tolyq bas tartyp, jańa maýsymdy jergilikti oıynshylarmen bastaǵan bolatyn. Al bıylǵy maýsymda 22 upaı jınap, jalpy kestede 11 orynǵa turaqtap, Qazaqstan Premer-lıgasyndaǵy ornyn saqtap qaldy, — delingen habarlamada.
Buǵan deıin Qazaqstan Premer-lıgasynda «Jetisý» men «Qaısar» teń oıynǵa qanaǵat bildirgen edi.