Qyzylorda elektr taratý toraptary kompanııasynyń atyn jamylǵan alaıaqtar paıda boldy
QYZYLORDA. KAZINFORM – «Qyzylorda elektr taratý toraptary kompanııasy» AQ ózin kompanııa qyzmetkeri retinde tanystyryp, turǵyndardy mazalaıtyn alaıaqtar paıda bolǵanyn eskertti.
Olar tutynýshyǵa qońyraý soǵyp, elektr eseptegishin tekserý qajet ekenin nemese jaryqty ajyratatynyn aıtyp qorqytady.
- «Qyzylorda elektr taratý toraptary kompanııasy» AQ elektr jelilerine qyzmet kórsetý jáne elektr esepke alý quraldaryna qatysty barlyq jumysty qoldanystaǵy zańnamaǵa sáıkes júzege asyrady. Kompanııa qyzmetkerleri tekserý nemese basqa da is-sharalardy júrgizý kezinde mindetti túrde qyzmettik kýáligin kórsetedi. Turǵyndarǵa telefon arqyly qysym kórsetip, qorqytý áreketterin jasamaıdy. Eger belgisiz bireýler ózderin kompanııa qyzmetkeri retinde tanystyryp, «tekserýge ruqsat bermeseńiz, elektr energııasy ajyratylady» dep nemese basqa da talaptar qoısa, olardyń sózine senbeńiz. Eshkimge jeke derekterińizdi, bank kartasynyń málimetterin, SMS arqyly kelgen rastaý kodtaryn bermeńiz, - delingen habarlamada.
Kompanııa basshylyǵy kúmándi jaǵdaıda aqparatty kompanııanyń resmı baılanys arnalary arqyly naqtylaýdy suraıdy.
Buǵan deıin Іshki ister mınıstrliginde azamattarǵa alaıaqtyqtyń jańa shemasy týraly eskertý jasalǵan edi.
