Qyzylorda aımaǵyna esirtki jetkizýshiler ustaldy

QYZYLORDA. KAZINFORM – Qyzylorda oblysy men Baıqońyr qalasy boıynsha UQK departamenti prokýratýra organdarynyń úılestirýimen esirtkini jetkizýdiń óńirlik arnasyn joıdy.

«2024 jylǵy naýryzda Qyzylorda qalasynda 3,5 kg apıyndy satýǵa árekettenýi kezinde Qazaqstannyń 5 azamaty ustaldy.

Budan basqa, qosymsha is-sharalar barysynda zańsyz sora ósirý jónindegi astyrtyn zerthana tabyldy.

Sottyń sanktsııasymen ustalǵan adamdarǵa kúzetpen ustaý túrindegi bultartpaý sharasy qoldanyldy», — dep jazdy UQK baspasóz qyzmetinen.

Qylmystyq kodekstiń 300-babynyń 2-bóligi jáne 297-babynyń 3-bóligi boıynsha sotqa deıingi tergeý júrgizilýde.

Qylmystyq is júrgizý kodeksiniń 201-babynyń 1-bóligine sáıkes ózge aqparat jarııa etýge jatpaıdy.