Qyzylorda avtobýs parki 249,6 mln teńge jalaqy qaryzyn ótedi
QYZYLORDA. KAZINFORM – Bıyl 6 aıda Qyzylorda oblysynda 35 myń jumysshynyń quqyǵy, onyń ishinde 9,5 myń jumysshynyń konstıtýtsııalyq quqyǵy qorǵaldy.
Oblystyq prokýratýradan habarlaǵandaı, qadaǵalaý aktisimen 691 mln teńge jalaqy óndirildi.
— «Qyzylorda» avtobýs parki» seriktestiginiń 660 jumysshysyna 249,6 mln teńge, «Qyzylorda tazalyǵy» kásipornynyń 606 jumysshysyna 106,3 mln teńge jalaqy qaryzy tólendi. Budan bólek qadaǵalaý aktisiniń nátıjesinde 483 jumys berýshi 7613 jumysshynyń paıdasyna jazataıym oqıǵadan saqtandyrý sharttaryn jasap, olardyń quqyǵy qorǵaldy, — delingen habarlamada.
Jyl basynan beri 266 myń adamnyń quqyǵy qorǵaldy. Onyń 11 myńynyń konstıtýtsııalyq quqyǵy qalpyna keltirildi. Zańbuzýshylyqqa jol bergen 2 237 adam tártiptik jáne ákimshilik jaýapqa tartyldy. Onyń 214-i basshylyq laýazymda.
Esepti kezeńde oblysta qylmystyq kodekstiń stalkıng babymen 4 adamǵa qatysty aıyptaý úkimderi qabyldanǵan.
