Qyzylorda aýrýhanasyna zorlyq kórgen eki qyz bala túsken

ASTANA. KAZINFORM – Densaýlyq saqtaý mınıstriniń birinshi orynbasary Tımýr Sultanǵazıev Qyzylorda oblysynda eki qyz balanyń zorlyq saldarynan aýrýhanaǵa túskenin rastady.

- Qyzylorda oblysynda bolǵan oqıǵany jergilikti ákimdik jasyryp otyr. Osydan bir apta buryn Qyzylorda qalasyndaǵy №253 mektepte 10 synyp oqýshysyn ógeı ákesi zorlady degen aqparat shyqqan. Sonymen qatar Shıeli aýdanynda 5 jasar qyz da zorlanypty. Osy eki qyz oblystyq balalar aýrýhanasynda jatyr eken. Qazir olardyń densaýlyq jaǵdaıy qandaı, - dep surady jýrnalıst.

Birinshi vıtse-mınıstr eki oqıǵanyń da bolǵanyn rastady.

- Meniń aıta alatynym, qazir ol eki qyz oblystyq balalar aýrýhanasynda. Qajetti medıtsınalyq kómek tolyǵymen kórsetilip jatyr. Mán-jaıyn medıtsınalyq qupııa bolǵannan keıin aıta almaımyn. Polıtsııa organdary qajetti jumys jasap jatyr, - dedi Tımýr Sultanǵazıev.

Osyǵan deıin zorlyq-zombylyqqa shaǵymdanǵan 85 astanalyqtyń 64-i aryzyn qaıtyp alǵany týraly jazdyq.