Qyzylorda áýejaıy vetnamdyq kompanııanyń basqarýyna óte me?
QYZYLORDA. KAZINFORM – Ótken jyly Qorqyt ata atyndaǵy Qyzylorda áýejaıy vetnamdyq Sovico Group kompanııasynyń basqarýyna berilýi múmkin ekeni, bul baǵytta kelissóz júrip jatqany belgili bolǵan.
Kazinform tilshisiniń resmı saýalyna Qyzylorda oblysynyń jolaýshylar kóligi jáne avtomobıl joldary basqarmasy buǵan deıin júrgizilgen kelissózder qazirgi ýaqytta toqtatylǵanyn málimdedi.
- Qorqyt ata áýejaıyn Sovico Group holdıngine senimgerlik basqarýǵa berý máselesine qatysty kelesini habarlaımyz. Qazirgi tańda áýejaıdy senimgerlik basqarýǵa berý josparda joq. Nysan qoldanystaǵy basqarý qurylymy sheńberinde óz jumysyn jalǵastyryp jatyr, - delingen habarlamada.
Buǵan deıin QR Syrtqy ister mınıstriniń orynbasary Álibek Baqaev áýejaı senimgerlik basqarýǵa berilýi múmkin, al satý máselesi qarastyrylmaıtynyn aıtqan edi.
