Qyzylorda, Abaı jáne Ulytaý oblystary qurylys ósimi boıynsha kósh bastady
ASTANA. KAZINFORM — 2026 jylǵy qańtar-maýsymda oryndalǵan qurylys jumystarynyń kólemi 15,2% ósip, 4072,1mlrd teńge boldy.
Respýblıka boıynsha qurylys jumystarynyń jalpy kóleminen jeke qurylys uıymdarymen 91,1%, sheteldik – 8,3%, memlekettik – 0,6% oryndaldy.
2026 jylǵy qańtar–maýsym aılarynda qurylys jumystary kóleminiń 2025 jylǵy osy kezeńmen salystyrǵanda artýy ǵımarattar men qurylystardy salý jáne jóndeý jumystary kóleminiń 22,5% ósýine baılanysty.
Óńirler bólinisinde qurylys jumystary kóleminiń ósýi respýblıkanyń on jeti óńirinde baıqaldy. Edáýir ósim Ulytaý oblysynda (3,3 ese), Qyzylorda (31,3%), Abaı (31%), Pavlodar (29,6%), Qostanaı (26%), Túrkistan (25,5%), Shyǵys Qazaqstan (22,3%), Atyraý (19,7%), Batys Qazaqstan (17,1%) jáne Jambyl oblysynda (13,4%), sondaı-aq Almaty (22,5%) jáne Shymkent (12,9%) qalalarynda tirkeldi.
Aıta ketelik elde bir mezette 51 densaýlyq saqtaý nysanynyń qurylysy júrip jatyr.
